Магілёўскі абласны цэнтр творчасці

Магілёўскі абласны цэнтр творчасці прыняў удзел у праграме "Добры дзень, Расія!" | Хлопцы аб'яднанняў па інтарэсах турысцка-краязнаўчага профілю прынялі ўдзел у праграме "Добры дзень, Расія!", якая арганізуецца Рассупрацоўніцтвам для маладых суайчыннікаў з Арменіі, Егіпта, Ізраіля, Казахстана, Манголіі, Палестыны, Польшчы, Сербіі, Паўднёвай Асеціі, Фінляндыі і іншых краін.
Праект "Добры дзень, Расія!" прадугледжвае вучэбна-адукацыйныя паездкі па гістарычных мясцінах Расійскай Федэрацыі.
У перыяд з 12 па 15 ліпеня 2022 года каманда Магілёўскага абласнога цэнтра творчасці прыняла ўдзел у Міжнародным форуме па стварэнні, развіцці і ўмацаванні сувязей паміж дзіцячымі і юнацкімі дыпламатычнымі клубамі і аб'яднаннямі, дзіцячымі грамадскімі арганізацыямі Расіі, Беларусі, Узбекістана, Сербіі "Зялёны Пасол", які праходзіў на тэрыторыі Беларуска-Расійскага ўніверсітэта. Перамога у Форуме і асабістыя заслугі дзяцей у вучэбнай, спартыўнай і творчай дзейнасці далі старт для ўдзелу ў гэтай праграме. Навучэнцы Цэнтра прадстаўлялі Рэспубліку Беларусь у Ханты-Мансійскай аўтаномнай акрузе, Самары і Пскове.
Падчас культурна-адукацыйнай праграмы юныя патрыёты сустракаліся з вядомымі людзьмі, прынялі ўдзел у розных мерапрыемствах, наведвалі ўніверсітэты, заводы, музеі, паркі, іншыя турыстычныя аб'екты гарадоў. Навучэнцы не толькі захапляліся прыгажосцю і славутасцямі Расіі, але і дзяліліся ўражаннямі аб сваёй роднай Беларусі з хлапчукамі і дзяўчынкамі з розных куткоў свету, якія ўдзельнічалі ў праграме.
Па словах хлопчыкаў і дзяўчынак, такое падарожжа стала не толькі цікавым, пазнавальным, але і вельмі адказным і матывацыйным для наступных перамог і дасягненняў. Магілёўскаму абласному цэнтру творчасці ёсць чым ганарыцца!

Экскурсіі па Магілёўшчыне для ўдзельнікаў Міжнароднага форуму "Зялёны Пасол" | З 12 па 15 ліпеня 2022 года ў Магілёве праходзіў Міжнародны форум па стварэнні, развіцці і ўмацаванні сувязей паміж дзіцячымі і юнацкімі дыпламатычнымі клубамі і аб'яднаннямі, дзіцячымі грамадскімі арганізацыямі Расіі, Беларусі, Узбекістана, Сербіі "Зялёны Пасол". У рамках форума і Года гістарычнай памяці для ўдзельнікаў была праведзена экскурсія ў музей Беларуска-Расійскага ўніверсітэта, па горадзе Магілёве, да мемарыяльнага комплекса "Буйніцкае поле", у музей К. Сіманава УА "Магілёўскі дзяржаўны ордэна Працоўнага Чырвонага Сцяга прафесійны агралесатэхнічны каледж імя К.П. Арлоўскага". Таксама ўдзельнікі форума наведалі Круглянскі раён. Тут для юных дыпламатаў арганізавалі экскурсію ў экатуркомплекс "Мікалаеўскія Сажалкі", дзе хлопцы пабывалі ў доме-музеі мастака-перадзвіжніка Н.В. Неўрава і музеі СССР. Асабліва значнай аказалася паездка ў в. Тубышкі да месца былой сядзібы генерала М.Г. Чарняева і ў Круглянскі раённы гісторыка-краязнаўчы музей, дзе ўдзельнікам была прадстаўлена тэма "Сям'я Чарняевых. М.Г. Чарняеў".

Адукацыйна-пазнавальныя экскурсіі для хлопцаў з лагера "Новы свет" | З 8 па 10 чэрвеня аддзел краязнаўства і пошукавай работы для дзяцей з аздараўленчага лагера з дзённым знаходжаннем "Новы свет" правёў шэраг адукацыйна-пазнавальных экскурсій у рамках рэспубліканскага экскурсійнага марафону "Дзіцячы аўтацягнік" і Года гістарычнай памяці, аб'яўленага ў Рэспубліцы Беларусь. Экскурсавод Вянглоўская Таццяна Мікалаеўна пастаралася ператварыць экскурсію ў невялікае падарожжа ў свет гісторыі і ведаў аб сваім родным горадзе і аб яго героях у гады Вялікай Айчыннай вайны. Безумоўна, кожнае дзіця атрымала ад экскурсіі нешта сваё, важнае асабіста для яго. Хтосьці пачуў цікавыя і невядомыя факты аб Магілёве, іншых да глыбіні душы закранула апавяданне Таццяны Мікалаеўны ля мемарыяла "Дзецям вайны". Маса пытанняў і непадробны бляск у вачах хлапчукоў і дзяўчынак - ці гэта не лепшая падзяка экскурсаводу?!

Кадэты на экскурсіі | У рамках пілотнага праекта па арганізацыі і правядзенні экскурсій кадэты Магілёўскага абласнога кадэцкага вучылішча імя Героя Савецкага Саюза Яўгена Нікалаёнка 13 і 14 красавіка 2022 г. наведалі Музей гісторыі горада Магілёва. Падчас экскурсіі ім расказалі пра гісторыю горада, знакавыя падзеі і важныя для горада даты. Хлопцы ўбачылі калекцыю археалагічных знаходак. Дзякуючы экскурсіі яны даведаліся шмат новага і цікавага. Даведаліся, як і чым займаліся продкі сучасных жыхароў горада, што ўжывалі ў ежу і ў што апраналіся. Атрымалі шмат інфармацыі аб тагачасных прафесіях, аб тым як і што выраблялі. Рабяты засталіся задаволеныя наведваннем музея.

Навучальныя заняткі ў форме экскурсій. | У 2021/2022 навучальным годзе ў мэтах удасканалення адукацыйнага працэсу, а таксама фарміравання павагі да культурна-гістарычнай спадчыны і традыцый беларускага народа, умацавання маральных якасцей моладзі для вучняў X-XI класаў устаноў адукацыі Рэспублікі Беларусь пачаў рэалізоўвацца пілотны праект па арганізацыі і правядзенню экскурсій.
У навучэнцаў старэйшых класаў з'явілася выдатная дадатковая магчымасць для вандравання па сваёй краіне. Цяпер навучальны занятак па некаторых прадметах можа праходзіць у форме экскурсіі. Такім чынам, юнакі і дзяўчаты змогуць паглыбіць свае веды па той ці іншай навучальнай дысцыпліне. Напрыклад, для вывучэння культуры Беларусі старшакласнікам прапануецца наведаць Свята-Пустынскі мужчынскі манастыр у Мсціслаўскім раёне. А згодна з некаторымі тэмамі беларускай літаратуры навучэнцы 10 класаў адправяцца ў Кіраўскі раён у мемарыяльны комплекс "Памяці спаленых вёсак Магілёўскай вобласці".
У I паўгоддзі 2021/2022 навучальнага года падчас рэалізацыі гэтага праекта навучэнцы Магілёўскай вобласці ўжо наведалі шэраг турыстычных аб'ектаў. Мемарыял воінскай славы "Лудчыцкая вышыня", КК "Музей гісторыі Магілёва", Свята-Пустынскі Успенскі мужчынскі манастыр, мемарыяльны комплекс "Буйніцкае поле" і іншыя аб'екты, якія рэкамендуюцца для правядзення экскурсій.
У студзені-лютым 2022 года школьнікі вобласці працягнулі вывучаць гісторыка-культурныя аб'екты з дапамогай экскурсій. Навучэнцы Магілёўскага раёна пад кіраўніцтвам сваіх настаўнікаў на час перанеслі заняткі па гісторыі Беларусі ва УК "Магілёўскі абласны мастацкі музей імя П. В. Масленікава" і мемарыяльны комплекс "Буйніцкае поле". Такім жа спосабам арганізацыі ўрока скарысталіся настаўнікі і навучэнцы Крычаўскага, Быхаўскага і іншых раёнаў Магілёўскай вобласці.

06.01.2022 | На зімовых канікулах навучэнцы аб'яднання па інтарэсах "Краезнаўства" разам са сваім педагогам Багамаз Аленай Іванаўнай працягнулі даведвацца пра гісторыю горада Магілёва. 6 студзеня 2022 г. педагог аддзела краязнаўства і пошукавай работы разам з хлопцамі свайго аб'яднання наведалі Свята-Мікольскі манастыр, дзе пазнаёміліся з элементамі барочнай архітэктуры Усходняй Беларусі. Напрыканцы экскурсіі навучэнцы атрымалі масу станоўчых эмоцый і ўражанняў ад прагулкі па парку Падніколле.

06.11.2021 | Навучэнцы аб'яднання па інтарэсах "Пошукавікі-даследчыкі" аддзела краязнаўства і пошукавай работы ведаюць, як цікава і з карысцю правесці вольны час. Пад кіраўніцтвам вопытнага педагога Голахавай Таццяны Мікалаеўны ў перыяд восеньскіх канікул група хлопчыкаў і дзяўчынак пабывала на прадпрыемстве ТАА "Птушкафабрыка Рамановічы". Старшакласнікам выдаўся выдатны шанс бліжэй пазнаёміцца з гісторыяй прадпрыемства, даведацца пра асаблівасці вытворчасці, а таксама падумаць аб будучай прафесіі. Алег Яфімавіч Цюсянкоў, намеснік дырэктара па ідэалагічнай рабоце прадпрыемства, заўсёды рады такім гасцям. Менавіта ён і правёў экскурсію для навучэнцаў, адказаў на шматлікія пытанні хлопчыкаў і дзяўчынак. Педагог Таццяна Мікалаеўна лічыць падобныя экскурсіі максімальна важнымі і эфектыўнымі для прафарыентацыі падлеткаў. Бо яшчэ да заканчэння школы яе вучні змогуць прыгледзецца да розных прафесій і зрабіць такі важны і адказны для сябе крок - выбар будучай спецыяльнасці.

05.11.2021 | У перыяд восеньскіх канікул навучэнцы аб'яднання па інтарэсах "Пошукавікі-даследчыкі" разам са сваім педагогам Голахавай Таццянай Мікалаеўнай здзейснілі невялікую пешаходную экскурсію па горадзе Магілёве ад Астролага да плошчы Славы. Шмат цікавых і малавядомых фактаў адкрылі для сябе юныя даследчыкі. Па ходзе экскурсіі вывучаліся мемарыяльныя дошкі, размешчаныя на будынках, архітэктурныя помнікі. Дзеці даведаліся, калі быў адкрыты кінатэатр "Радзіма", уважліва вывучылі мемарыяльную дошку В. Т. Тураву, пачулі гісторыю палаца Г. Каніскага, а яшчэ весела і дружна правялі дзень.

26.09.2021 | 26 верасня ў рамках рэалізацыі праграмы адукацыйнага турызму для навучэнцаў ДУА "ВВК дзіцячы сад - сярэдняя школа № 12 г. Магілёва" сумесна з ДУДА "Абласны цэнтр творчасці" і з удзелам метадыста аддзела краязнаўства і пошукавай работы Вянглоўскай Таццяны Мікалаеўны праведзена інфармацыйна-адукацыйнае мерапрыемства "Вывучаем гісторыю Радзімы – ствараем будучыню краіны". Дзеці сумесна з педагогамі наведалі месцы, звязаныя з падзеямі Паўночнай і Вялікай Айчыннай вайны, унікальную крыніцу Блакітная крыніца і аграсядзібы Слаўгарадчыны "Сырная даліна" і "Пчалінае царства". Інфармацыйная і падзейная напоўненасць мерапрыемства дазваляюць сцвярджаць, што гэты першы досвед стане асновай для планамернай і дзейснай працы па рэалізацыі праграмы адукацыйнага турызму ў школе.

16.09 - 17.09.2021 | Прадстаўнікі Магілёўскай вобласці ў складзе навучэнцаў ДУДА "Абласны цэнтр творчасці" Клімавай Валерыі, Кароўкінай Вікторыі і навучэнкі ДУА "Сярэдняя школа № 8 г. Магілёва" Кнышовай Анастасіі прынялі ўдзел у Скарынаўскай алімпіядзе, якая прайшла ў г. Полацку ў рамках Рэспубліканскага культурна-адукацыйнага праекта "Скарынаўскія дні ў Полацку-2021". Таксама ў хлопцаў была выдатная магчымасць пазнаёміцца са славутасцямі старажытнага горада Беларусі.

12.09.2021 | Навучэнцы аб'яднання па інтарэсах "Калейдаскоп" аддзела мастацкай адукацыі адправіліся на пленэр "Помнік вызваліцелям Магілёва "танк Т-34", прымеркаваны да Дня танкіста. Іх маршрут праходзіў праз пешаходны мост горада, які злучае праспект Міра і вуліцу Якубоўскага. Дзеці даведаліся шмат новай інфармацыі, падрыхтаванай для іх педагогам Акінчыц Алесяй Мікалаеўнай. Толькі акунуўшыся ў гісторыю вайны, дзеці змогуць пазнаць, а, значыць, памятаць і шанаваць подзвіг тых, хто аддаў сваё жыццё, каб жылі будучыя пакаленні. Мы павінны захоўваць памяць аб абаронцах нашай Радзімы.

05.09.2021 | Дэлегацыя Магілёўскай вобласці ў складзе 16 удзельнікаў абласнога этапу рэспубліканскага творчага конкурсу юных чытальнікаў "Жывая класіка" прыняла ўдзел у святочных мерапрыемствах Дня беларускага пісьменства ў г. Капылі Мінскай вобласці. Дзеці прынялі ўдзел у квэст-гульні "Капыльскі рог", наведалі інтэрактыўныя майстар-класы з удзелам у беларускіх гульнях, сталі гледачамі ваенна-гістарычнай рэканструкцыі "Лаўскі бой".