Магілёўскі абласны цэнтр творчасці

Значок акцябрацкі (акцябрацкая зорачка) з'яўляецца сімвалам прыналежнасці дзяцей да піянерскай арганізацыі, акцябрацкім калектывам (групам), увасабленнем Легенды аб акцябронку: пуцяводная зорка, пачатак усіх дарог, нязгасальны агонь адважных адкрывальнікаў. Носіцца на левым баку грудзей.

ГА "БРПА" - самая масавая дзіцячая грамадская арганізацыя ў Рэспубліцы Беларусь (каля 80% школьнікаў ад 7 да 14 гадоў знаходзяцца ў арганізацыі).

Асноўная дзейнасць:

• удзел у фарміраванні і рэалізацыі дзяржаўнай маладзёжнай палітыкі;
• абарона правоў і законных інтарэсаў, а таксама прадстаўленне законных інтарэсаў сваіх членаў у дзяржаўных органах і іншых арганізацыях праз Саветы ГА "БРПА", а таксама ва ўзаемадзеянні з іншымі арганізацыямі і грамадскімі аб'яднаннямі;
• падтрымка ініцыятыў дзяцей, правядзенне мерапрыемстваў, семінараў, канферэнцый і форумаў, аздараўленчых і экалагічных лагераў, конкурсаў, спаборніцтваў, фестываляў, злётаў, у тым ліку міжнародных, накіраваных на дасягненне статутных мэт ГА "БРПА";
• распрацоўка і ажыццяўленне адукацыйных, сацыяльных і іншых дзіцячых і маладзёжных праграм і праектаў, якія не супярэчаць заканадаўству Рэспублікі Беларусь;
• садзейнічанне развіццю міжнароднага дзіцячага супрацоўніцтва; дапамога членам ГА "БРПА" ў арганізацыі іх вольнага часу шляхам правядзення мерапрыемстваў, накіраваных на фізічнае, духоўна-маральнае, культурнае развіццё дзяцей і падлеткаў.

Акцябронак - член арганізацыі ва ўзросце ад 7 да 10 гадоў. Навічок у піянерскіх справах, гатовы прыняць і працягнуць традыцыі і гісторыю Піянерыі. Прыём у арганізацыю малодшых школьнікаў праводзіцца ва ўрачыстай абстаноўцы на зборы дружыны адначасова з рытуалам прысваення звання "акцябраты". Акцябраты маюць свае правiлы.

Піянер - член арганізацыі ад 10 да 14 гадоў, першы, першапраходзец, першаадкрывальнік, наватар, які ідзе наперадзе. Піянер - званне члена Беларускай рэспубліканскай піянерскай арганізацыі. У піянераў ёсць законы і традыцыі.

Піянерскі важаты - званне дарослага члена ГА "БРПА", кіраўніка піянерскай дружыны. Піянерскі важаты з'яўляецца пазаштатным супрацоўнікам арганізацыі. Для важатых на сайце БРПА створана інфармацыйна-адукацыйная платформа для рэалізацыі дзейнасці па напрамках.

У ГА "БРПА" створана сістэма прыналежнасці члена ГА "БРПА" да нейкага напрамку БРПА: піянер-цімуравец (валанцёр), акцябраня-зарнічнік, піянер-юнармеец (зарнічнікі), піянер-лідэр (гальштук піянерскі лідэрскі з белай акантоўкай на адной з граняў).

У ГА "БРПА" функцыянуе дзіцячае самакіраванне: у піянерскіх дружынах - гэта Савет піянерскай Дружыны; у Саветах усіх узроўняў - Дзіцячыя палаты ГА "БРПА".

Дзіцячая палата ГА "БРПА" - гэта асаблівая дынамічная дэмакратычная сістэма самакіравання ў ГА "БРПА" і самаарганізацыі дзяцей у супрацоўніцтве з дарослымі.

У БРПА створана нефармальная візуалізацыя арганізацыі для дзяцей і падлеткаў. Падрабязна з брэнбукам можна азнаёміцца тут

Варыятыўны лагатып ГА "БРПА" ўяўляе сабой хвалістыя рознакаляровыя (семь колераў) палосы на белым фоне, якія сімвалізуюць языкi полымя, якія зліліся ў адзін, як сімвал адзінства дзяцей, падлеткаў, дарослых, і надпіс. Белае поле і полымя сімвалізуюць адкрытасць і чысціню намераў і імкненняў арганізацыі. Сямікалор сімвалізуе гарманічнае развіццё асобы на аснове уласцівай беларускаму грамадству сістэмы каштоўнасцей. Справа графічнай кампазіцыі размешчаны надпіс: "Беларуская рэспубліканская піянерская арганізацыя". Знак і назва скампанаваны ў пэўным парадку і пэўных прапорцыях.

Аранжавы - колер энергіі, радасці і дзяцінства.

Чырвоны - сімвал сонца, жыцця.

Ружовы - сімвалізуе рамантычнасць, дабрыню.

Сіні - колер поспеху.

Зялёны - колер прыроды, сімвалізуе зялёныя беларускія лясы.

Блакітны - колер небасхілу, блакітных азёр Беларусі.

Жоўты - сімвал святла, велічы і лідэрства.

Варыятыўная эмблема ГА "БРПА": Эмблема ГА "БРПА" уяўляе сабой хвалістыя рознакаляровыя (семь колераў) палосы на белым фоне, якія сімвалізуюць тры языкi полымя, якія зліліся ў адзін, як сімвал адзінства дзяцей, падлеткаў і дарослых. Белае поле і полымя сімвалізуюць адкрытасць і чысціню намераў і імкненняў арганізацыі. Сямікалор сімвалізуе - гарманічнае развіццё асобы на аснове уласцівай беларускаму грамадству сістэмы каштоўнасцяў. Знізу графічнай кампазіцыі размешчаны надпіс: "ГА "БРПА" ў выглядзе спалучэння надзейна спаяных адзін з адным звёнаў, якія сімвалізуюць узаемадзеянне і згуртаванне. Знак і назва скампанаваны ў пэўным парадку і пэўных прапорцыях.

Варыятыўны лагатып

Слоган арганізацыі: "БРПА - тэрыторыя дзяцінства" / "Піянерыя Беларусі - тэрыторыя дзяцінства".

Талісман піянерскай арганізацыі - рысёнак Агеньчык.

На працягу кожнага навучальнага года ў арганізацыі, на ўсіх яе ўзроўнях, паспяхова рэалізуецца больш за 2000 праектаў для дзяцей і падлеткаў. Укараняюцца новыя формы і метады работы з дзецьмі. Кожны праект мае сваё лога.