Магілёўскі абласны цэнтр творчасці

Аддзел па ўзаемадзеянні з дзіцячымі і маладзёжнымі грамадскімі арганізацыямі арганізуе ўзаемадзеянне і супрацоўніцтва з рэгіянальнымі структурамі грамадскіх арганізацый дзяцей і моладзі, якія ажыццяўляюць дзейнасць на тэрыторыі Магілёўскай вобласці (ГА "БРПА", ГА "БРСМ", РГА "Беларуская асацыяцыя клубаў ЮНЕСКА", ГА "БЛІК", БМГАВП і інш.), курыруе дзейнасць рэсурснага цэнтра маладзёжных ініцыятыў "Прыступкі", ажыццяўляе метадычную работу з кадрамі раённых, гарадскіх устаноў дадатковай адукацыі дзяцей і моладзі, устаноў агульнай сярэдняй, прафесійна-тэхнічнай і сярэдняй спецыяльнай адукацыі, супрацоўнічае з НДААЦ "Зубраня", арганізуе правядзенне рэспубліканскіх, абласных і гарадскіх масавых мерапрыемстваў з педагогамі і навучэнцамі, вывучае і аналізуе сітуацыю ў грамадскіх аб'яднаннях, якія ажыццяўляюць сваю дзейнасць на базе ўстаноў дадатковай адукацыі агульнай сярэдняй, прафесійна-тэхнічнай і сярэдняй спецыяльнай адукацыі.

Рэспубліканскі маладзёжны цэнтр Нацыянальнага цэнтра мастацкай творчасці дзяцей і моладзі сумесна з Дзіцячым Фондам ААН (ЮНІСЕФ) дае старт праекту, накіраванаму на ўкараненне міжнароднай метадалогіі "АПШІФТ" – праграмы па сацыяльным праектаванні для моладзі. Праект накіраваны на прадастаўленне маладым людзям інавацыйных магчымасцей для навучання, развіцця і атрымання новых навыкаў і якасцей, у прыватнасці, крэатыўнасці, супрацоўніцтва, лідэрства.

Нашы супрацоўнікі:

Метадыст сёння - гэта не адміністратар, не прадстаўнік улады ва ўстанове, а перш за ўсё спецыяліст, які дапамагае педагогу знайсці сваё прызначэнне. Мэтай дзейнасці інструктыўна-метадычнага аддзела з'яўляецца ўдасканаленне асобасна-прафесійнага ўзроўню педагогаў, фарміраванне іх педагагічнага майстэрства і творчасці для паспяховай рэалізацыі задач, якія стаяць перад сучаснай установай дадатковай адукацыі дзяцей і моладзі.

Адным з напрамкаў дзейнасці аддзела з'яўляецца інфармацыйна-метадычнае суправаджэнне дзейнасці ўстаноў дадатковай адукацыі дзяцей і моладзі, дзейнасці ДУДА "Абласны цэнтр творчасці", дзейнасці па мастацка-эстэтычным выхаванні, дзейнасці па фарміраванні культуры здаровага ладу жыцця, арганізацыі летняй аздараўленчай кампаніі, дзейнасці па грамадзянска-патрыятычным выхаванні, дзейнасці дзіцячых і маладзёжных грамадскіх арганізацый.

Яшчэ адным напрамкам дзейнасці аддзела з'яўляецца інфармацыйна-выдавецкая дзейнасць. Фонд метадычных матэрыялаў аддзела налічвае больш за 5000 адзінак захоўвання. У ім прадстаўлены матэрыялы, выдадзеныя педагагічнымі работнікамі АЦ, установамі дадатковай адукацыі дзяцей і моладзі горада і вобласці, рэспублікі, а таксама ўстановамі дадатковай адукацыі Расійскай Федэрацыі. Метадычныя матэрыялы сістэматызаваны па дзесяці раздзелах, больш чым па 70 напрамках. Фонд бібліятэкі складае каля 25 000 асобнікаў кніг, брашур і часопісаў. Асноўная частка фонду - літаратура па педагогіцы, псіхалогіі, у дапамогу рабоце аб'яднанняў па інтарэсах, нотная і музычная літаратура. Бібліятэка выпісвае каля 100 перыядычных выданняў.

Нашы супрацоўнікі:

Мэта дзейнасці аддзела - стварэнне ўмоў для якаснага паляпшэння адукацыйнай падрыхтоўкі дзяцей у пазаўрочны час, рэалізацыя асноўных палажэнняў сістэмы адукацыі Рэспублікі Беларусь, прафарыентацыя дзяцей і моладзі.

Сёння аддзел адукацыйнай дзейнасці - гэта адкрытая, дынамічна развіваемая адукацыйная сістэма, у якой больш чым 1500 навучэнцам пад кіраўніцтвам 25 вопытных педагогаў прадастаўляецца магчымасць атрымаць новыя веды, замацаваць цікавасць да прадмета, развіць асобу дзіцяці, прафесійна самавызначыцца.

ВІДЭАПРЭЗЕНТАЦЫЯ

Нашы супрацоўнікі:

Мэтай дзейнасці Школы развіцця "Прыступкі" з'яўляецца рэалізацыя адукацыйных праграм дадатковай адукацыі для дзяцей дашкольнага ўзросту. Адукацыйныя паслугі прадастаўляюцца ў форме заняткаў па наступных напрамках: развіваючыя гульні, развіццё маўлення, навучанне грамаце, выяўленчая дзейнасць, дэкаратыўна-прыкладное мастацтва, музычнае выканальніцтва, рытміка.

Працягласць заняткаў складае не больш за 30 хвілін па адным з напрамкаў дзейнасці. Структура Школы развіцця ўключае ў сябе тры ўзроставыя ступені: I ступень – для дзяцей 3-4-х гадоў, II ступень – для дзяцей 5-ці гадоў, III ступень - для дзяцей 6-ці гадоў.

На працягу навучальнага года педагагічны калектыў Школы развіцця "Прыступкі" праводзіць для навучэнцаў і іх бацькоў вясёлыя святы, адкрытыя заняткі, бацькоўскія сходы, кансультацыі.

Нашы супрацоўнікі:

Тэатральная дзейнасць - самая даступная дзейнасць для дзяцей. Каб быць з намі, дастаткова жадання дзіцяці авалодаць акцёрскім майстэрствам і мець узрост ад 6 да 18 гадоў.

Мы дапамагаем навучэнцам сфармаваць правільную мадэль паводзінаў у сучасным свеце, павышаем агульную культуру дзіцяці, вучым заўважаць у навакольным свеце цікавыя ідэі, ствараць мастацкія вобразы. Развіваем творчае ўяўленне і фантазію, мысленне і дапытлівасць, памяць, выразнасць, культуру мовы. Фарміруем валявыя рысы характару. Заняткі ў нашых тэатральных калектывах - гэта мора яркіх эмоцый! Гэта адчуванне свята, праведзенага разам з аднагодкамі, бацькамі і педагогамі ў незвычайным чароўным свеце! Гэта магчымасць рэалізаваць свой творчы патэнцыял на ўрачыстых сустрэчах і фестывалях, канферэнцыях і конкурсах. Гэта магчымасць стаць удзельнікам спектакляў і масавых мерапрыемстваў у нашым Палацы дзіцячай творчасці.

Нашы супрацоўнікі:

Штогод больш за дзве тысячы хлопчыкаў і дзяўчынак займаюцца ў аддзеле мастацкай адукацыі. Іх сустракаюць таленавітыя, неабыякавыя педагогі. Тут пануюць добразычлівая атмасфера, паразуменне паміж дарослымі і дзецьмі, натхненне, захапленне, творчасць. Тут не ставяць адзнак і не задаюць хатніх заданняў, няма няўдачнікаў. Тут вучаць рабят рабіць важныя і карысныя рэчы, фантазіяваць, маляваць, ляпіць, шыць, танцаваць, спяваць, гуляць на музычных інструментах. Гэта месца, дзе хлопцы могуць акунуцца ў свет фантазій і творчасці, дзе можна кожнаму знайсці сабе справу па душы.

Асноўныя напрамкі дзейнасці нашага аддзела: вакал, харэаграфія, выяўленчая і дэкаратыўна-прыкладная творчасць, гульня на музычных інструментах.

У аддзеле 8 калектываў, якія маюць званні "Заслужаны", "Народны" або "Узорны": заслужаны аматарскі калектыў Рэспублікі Беларусь узорны ансамбль народнай песні "Ярыца", народны аркестр народных інструментаў, узорная студыя выяўленчай і дэкаратыўна-прыкладной творчасці "Тон", узорная студыя дэкаратыўна-прыкладной творчасці "Фітадызайн", узорная студыя моды "Авангард", узорны харэаграфічны ансамбль "Крынічка", узорны ансамбль "Руская песня" і ўзорная вакальная студыя "Фантазія".

ВІДЭАПРЭЗЕНТАЦЫЯ

Нашы супрацоўнікі:

Заслужаны аматарскі калектыў Рэспублікі Беларусь узорны эстрадны тэатр-студыя "Вясёлка" - сучасная новая форма работы з дзіцячым калектывам! Тэатр-студыя "Вясёлка" - школа эстэтычнага выхавання і адукацыі, дружная сям'я педагогаў і больш за 400 выхаванцаў. Гэта сучасныя дзіцячыя песні і эксклюзіўныя эстрадныя нумары! Тэатр-студыя "Вясёлка" ўніверсальная па родзе сваёй дзейнасці і ўключае ў сябе сінтэз вакальнага мастацтва, музыкі і харэаграфіі! Эстрадны вакал, сучасная харэаграфія, брэйк-данс - асноўныя напрамкі тэатра-студыі "Вясёлка". "Вясёлка" - лаўрэат і дыпламант рэспубліканскіх і міжнародных фестываляў, конкурсаў і аглядаў.

Мы ганарымся сваімі выпускнікамі. Сярод іх: Іна Афанасьева; Ірына Дарафеева; Наталля Кудрына; Наташа Падольская; Ганна Мушак (беларуская спявачка, удзельніца шоу канала Расія 1 "Галоўная сцэна. 2 сезон", бэк-вакалістка Алены Ваенгі); Аляксандра Сярожнікава (джазавая і фолк-спявачка (Расія, г. Масква), аўтар песень); Інга Кісялёва (вядучая салістка Маладзёжнага тэатра эстрады (г. Мінск), тэлевядучая на Беларускім нацыянальным тэлебачанні, салістка групы DeTroitCoverBand (г. Мінск)); Кацярына Пасюкова (Тэатр "ETCetera" (Расія, г. Масква), у трупе з 2013 года); Яўгенiя Караткевіч (у 2014 г. скончыла УДІК (майстэрня С. Салаўёва). Тэатр Ленком: "Пер Гюнт"; Тэатр кінаакцёра: "Моцарт і Маргарыта" (мюзікл), "Свята непаслушэнства", "Тод", актрыса расійскага кіно); Кацярына Мурашка (Арт-група SOPRANO Турэцкага/Сапрана 10 (вакалістка)).

Нашы супрацоўнікі:

Аддзел фізічнага выхавання забяспечвае неабходныя ўмовы для развіцця і выхавання асобы дзіцяці, узаемадзеянне з сям'ёй, школай і іншымі сацыяльнымі інстытутамі, займаецца выяўленнем адораных дзяцей для падрыхтоўкі спартсменаў-разраднікаў, прапагандуе здаровы лад жыцця з дапамогай арганізацыі спартыўных і культурна-масавых мерапрыемстваў, забяспечвае павышэнне прафесійнага ўзроўню педагогаў.

Дзейнасць аддзела прадстаўлена двума асноўнымі напрамкамі: аздараўленчым і спартыўным. Аздараўленчы напрамак уключае ў сябе аб'яднанне па інтарэсах "Плаванне", групы пачатковай падрыхтоўкі першага і другога гадоў навучання; аб'яднанне па інтарэсах "Плаванне", групы аздараўлення; аб'яднанне па інтарэсах "Вавiнам в'ет во дао", групы першага і другога гадоў навучання. Спартыўны напрамак уключае ў сябе аб'яднанне па інтарэсах "Плаванне", вучэбна-трэніровачныя групы трэцяга і больш гадоў навучання; аб'яднанне па інтарэсах "Вавiнам в'ет во дао", групы трэцяга і больш гадоў навучання.

Нашы супрацоўнікі:

Дзейнасць навукова-тэхнічнага аддзела грунтуецца на новых інфармацыйных тэхналогіях, што спрыяе развіццю інфармацыйнай культуры і ўзаемадзеянню са светам навукова-тэхнічнай творчасці. Аўтарскае ўвасабленне задумы ў аўтаматызаваных мадэлях і праектах асабліва важна для навучэнцаў, у якіх найбольш выражана даследчая кампетэнцыя.

Нашы супрацоўнікі:

Спартыўна-тэхнічны аддзел арганізуе дзейнасць, накіраваную на фарміраванне ў вучняў шырокага кругагляду, развіццё ўяўлення, самастойнага мыслення і цікавасці да пошукавай дзейнасці. На занятках у аб'яднаннях па інтарэсах спартыўна-тэхнічнага аддзела хлопцы знаёмяцца з асновамі аўтамадэліравання, авіямадэліравання і суднамадэліравання, вывучаюць уласцівасці матэрыялаў, якія выкарыстоўваюцца ў стварэнні мадэляў. Яны авалодваюць асновамі працы з гаспадарча-бытавымі, слясарнымі і сталярнымі інструментамі. Пад кіраўніцтвам педагогаў-прафесіяналаў навучэнцы майструюць як простыя вырабы з разнастайных даступных матэрыялаў (паперы, дрэва, пластыка, поліэтылену), так і сур'ёзныя радыёкіруемыя мадэлі, з якімі навучэнцы выступаюць на розных спартыўных спаборніцтвах.

ВІДЭАПРЭЗЕНТАЦЫЯ

Нашы супрацоўнікі:

Аддзел займаецца арганізацыяй адукацыйнага працэсу ў аб'яднаннях па інтарэсах краязнаўчай накіраванасці, каардынацыяй і метадычным забеспячэннем дзейнасці музеяў устаноў адукацыі вобласці (аказанне метадычнай дапамогі, правядзенне навучальных семінараў для кіраўнікоў музеяў, правядзенне пашпартызацый музеяў), каардынацыяй і метадычным забеспячэннем правядзення абласных акцый навучэнскай моладзі.

Мы праводзім абласныя краязнаўчыя мерапрыемствы ў рамках рэспубліканскіх акцый навучэнскай моладзі, арганізоўваем удзел навучэнцаў вобласці ў рэспубліканскіх краязнаўчых мерапрыемствах, у рэспубліканскіх злётах юных краязнаўцаў, юных экскурсаводаў, юных геолагаў і юных пошукавікоў, а гэтак жа ў зборах актыву краязнаўчага руху для аздараўлення ў НДААЦ "Зубраня", прапагандуем гісторыка-культурную і прыродную спадчыну Рэспублікі Беларусь.

Наш аддзел прымае ўдзел у распрацоўцы вучэбных планаў, праграм, дапаможнікаў, метадычных рэкамендацый і іншай літаратуры па пытаннях краязнаўства і пошукавай работы. Аказвае метадычную дапамогу ўстановам адукацыі па выкарыстанні краязнаўства ў адукацыйным працэсе. Праводзіць навучальныя семінары, канферэнцыі, нарады для краязнаўчага актыву вобласці, садзейнічае павышэнню кваліфікацыі педагагічных работнікаў па краязнаўстве і музейнай дзейнасці ва ўстановах. Абагульняе і распаўсюджвае перадавы вопыт па арганізацыі і правядзенні краязнаўчай, пошукавай і музейнай работы ва ўстановах адукацыі.

Мы супрацоўнічаем з дзяржаўнымі ўстановамі, грамадскімі, маладзёжнымі аб'яднаннямі ў галіне краязнаўчых даследаванняў, метадычнага забеспячэння адукацыйнай дзейнасці, прапагандуем краязнаўчую і пошукавую работу сродкамі масавай інфармацыі, вывучаем стан краязнаўчай і пошукавай работы ва ўстановах адукацыі вобласці, вядзем збор і аналіз неабходнай інфармацыі.

ВІДЭАПРЭЗЕНТАЦЫЯ

Нашы супрацоўнікі:

Дзейнасць аддзела накіравана на рэалізацыю дзяржаўнай палітыкі ў галіне дадатковай адукацыі і выхавання навучэнскай моладзі сродкамі турызму і экскурсійнай дзейнасці, павышэнне якасці адукацыі шляхам удасканалення прафесійнага майстэрства педагагічных кадраў у сістэме дадатковай адукацыі.

Асноўныя задачы аддзела - развіццё сеткі аб'яднанняў па інтарэсах па напрамку дзіцячага турызму, спартыўнага арыентавання і экскурсій, далучэнне да заняткаў турызмам і здаровага ладу жыцця падрастаючага пакалення, фарміраванне высокіх маральных якасцяў навучэнцаў, пазнавальнай і грамадскай актыўнасці, выхаванне самастойнасці, ініцыятывы, аказанне падтрымкі педагогам дадатковай адукацыі ў арганізацыі адукацыйнай дзейнасці.

Асноўныя напрамкі дзейнасці аддзела: арганізацыя работы аб'яднанняў па інтарэсах па напрамку дзейнасці аддзела, арганізацыя і правядзенне абласных турысцкіх мерапрыемстваў і вучэбна-трэніровачных збораў па відах турызму, забеспячэнне ўдзелу зборных каманд вобласці ў рэспубліканскіх і міжнародных спаборніцтвах, злётах, паходах, конкурсах і іншых мерапрыемствах з дзецьмі і вучнёўскай моладдзю, арганізацыя і правядзенне тэматычных і аглядных экскурсій па прыродных, гістарычных і культурна-асветніцкіх славутасцях Рэспублікі Беларусь, правядзенне мерапрыемстваў па аздараўленні вучняў у канікулярны час, у тым ліку профільных аздараўленчых лагераў, удзел у распрацоўцы вучэбных планаў, праграм, дапаможнікаў, метадычных рэкамендацый і іншай літаратуры па пытаннях арганізацыі турысцкай і экскурсійнай работы, аказанне метадычнай дапамогі ўстановам адукацыі па арганізацыі турысцкай і экскурсійнай работы з дзецьмі і моладдзю, распрацоўка маршрутаў паходаў і тэкстаў экскурсій, арганізацыя і правядзенне абласных семінараў, канферэнцый, нарад па турысцкай і экскурсійнай рабоце, прапаганда турысцкай і экскурсійнай работы сродкамі масавай інфармацыі, вывучэнне стану турысцкай і экскурсійнай работы ва ўстановах адукацыі вобласці, збор і аналіз неабходнай інфармацыі.

У сваёй рабоце аддзел цесна супрацоўнічае з аддзелам па справах моладзі Магілёўскага аблвыканкама, установай адукацыі "Магілёўскі дзяржаўны абласны інстытут развіцця адукацыі", грамадскім аб'яднаннем "Рэспубліканскі турысцка-спартыўны саюз", грамадскім спартыўным аб'яднаннем "Беларуская федэрацыя арыентавання", грамадскім аб'яднаннем "Беларуская федэрацыя альпінізму", МДУ ім. А.А. Куляшова, упраўленнем спорту і турызму Магілёўскага аблвыканкама, сродкамі масавай інфармацыі.

Нашы супрацоўнікі:

Мэты дзейнасці аддзела - стварэнне аптымальных умоў для фарміравання экалагічнай культуры дзяцей і моладзі, развіццё экалагічнай свядомасці навучэнцаў і прапаганда экалагічных ведаў з дапамогай актыўных сацыяльна значных форм, стварэнне ўмоў для развіцця практычных навыкаў і ўменняў вучняў у экалагічнай дзейнасці, забеспячэнне даступнасці экалагічнай творчасці, фарміраванне цікавасці да навукова-даследчай дзейнасці ў сферы экалогіі і біялогіі, выхаванне ў падрастаючага пакалення актыўнай грамадзянскай пазіцыі.

Асноўнымі напрамкамі дзейнасці аддзела з'яўляюцца стварэнне неабходных умоў для заняткаў дзяцей экалогіяй, біялогіяй, арганізацыя змястоўнага вольнага часу, выяўленне і развіццё лідэрскіх якасцяў і творчых схільнасцяў, сацыяльная адаптацыя дзяцей.

Нашы супрацоўнікі:

У аснове дзейнасці аддзела - бесперапыннае павышэнне якасці ўмоў для адпачынку і аздараўлення дзяцей у летнім аздараўленчым лагеры з кругласутачным знаходжаннем "Крыніца". Аддзел займаецца вызначэннем стратэгіі, мэт і задач развіцця лагера, праграмным планаваннем яго работы, забеспячэннем матэрыяльна-тэхнічнай базы лагера.

Нашы супрацоўнікі: